Youtube kufizon aksesin në videot e fitness-it për adoleshentët evropianë, ja shkaku

Youtube thotë se ekspozimi i përsëritur ndaj llojeve të caktuara të videove mund të dëmtojë vetëvlerësimin dhe imazhin e trupit të adoleshentëve.

Adoleshentët evropianë mund të vërejnë një ndryshim në rekomandimet e tyre në YouTube, pasi platforma tha se nuk do t’i çojë ata drejt disa llojeve të videove të shëndetit dhe fitnesit, veçanërisht ato që “idealizojnë” lloje të caktuara trupore.

YouTube  rekomandon video që janë të ngjashme me ato që shikuesi ka parë më parë.

Kjo do të thotë që njerëzit mund të bien në unazat e reagimeve, duke parë shumë video të ngjashme me radhë dhe nganjëherë duke u zhytur në përmbajtje edhe më ekstreme.

YouTube i vendosi fillimisht këto kufizime në Shtetet e Bashkuara vitin e kaluar dhe tani po i zgjeron ato në Evropë dhe në mbarë botën.

“Rregulli i ri është një përpjekje për të parandaluar adoleshentët të formojnë besime negative për veten,” -tha në një deklaratë Dr Garth Graham, drejtuesi i YouTube Health.

Cilat video do të kufizojë YouTube për adoleshentët?

YouTube tani do të kufizojë rekomandimet e përsëritura të videove që:

1. Idealizojnë nivele të veçanta fitnesi ose grupe peshe
2. Krahason dhe idealizon disa veçori fizike

Këto lloj përmbajtjesh “mund të jenë të padëmshme si një video e vetme, por mund të jenë problematike për disa adoleshentë nëse shikohen në mënyrë të përsëritur,”- tha Graham.

LEXONI GJITHASHTU:

• Ekskluzive| Flet nëna e youtuberit shqiptar në kërkim për fyerje të Islamit
• Youtuberi shqiptar që akuzohet se fyeu Islamin kërcënohet me vdekje