Gjergj Bojaxhi kritika PD-së: Basha largoi elitat në 2013 pa asnjë kriter

Aktivisti Gjergj Bojaxhi u shpreh kritik nga Partisë Demokratike për veprimet që ajo ndërmori pas humbjes së zgjedhjeve të 2013.

Sipas tij, kryetari aktual Lulzim Basha spastroi elitat pa asnjë kriter dhe kjo për të dëmtoi Partinë Demokratike të Shqipërisë.

“E para, unë nuk mendoj se është diçka për t’u thënë se ka vlerë, kur kryetrari i partisë largon në mënyrë arbitrare, largon njerëz që i shikon si rivalë politikë ose njerëz, që nuk i ka nën hyqmin e tij politik. Pastrimi i elitave të PD, aq sa u bë nga z. Basha nuk kishte asnjë kriter. Psh, menjëherë pas humbjes së zgjedhjeve në 2013, diskutimi gjithmonë që u hodh brenda anëtarësisë ishte ne humbën për shkak të ministrave të korruptuar, kryetarëve të bashkive të korruptuar apo dhe të komunave”, tha ai.

Ai doli në mbrojte të emrave si Astrit Patozi dhe Jozefina Topalli, të cilët pasi u larguan nga PD-ja kanë krijuar partitë e tyre dhe garojnë në zgjedhjet e 25 prillit.

“U shanë këto njerëz, u hoqën nga struktura drejtuese, por bashkë me ta u hoqën Patozi dhe Topalli, të cilët nuk kanë qenë kurrë të përfshirë në administratën e PD dhe si pasojë nuk mund të ishin përgjegjës për korrupsionin apo gjëra të tilla”, tha ai.