Rinis mësimi në Kosovë, ministrja Nagavci: Në fund të javës do të shqyrtohen sërish shifrat e infektimeve

Ditën e djeshme, në Kosovë rifilloi procesi mësimor pas një shkëputje një javore.

Nxënësit e klasave të para deri në të pestën kanë rifilluar mësimin me prani fizike, ndërsa pjesa tjetër do të zhvillojë mësim në distancë, si pjese e masave kufizuese kundër pandemisë COVID-19.

Ministrja e arsimit, Arberie Nagavci u shpreh në Euronews Albania se kjo metodë mësimi do të shfrytëzohet deri në fund të javës dhe më pas do të shqyrtohen sërish shifrat e COVID-19, për bërë edhe një analizë tjetër të procesit mësimor.

“Rezultatet e tregojë që fëmijët e moshës të vogël kanë më pak gjasa të infektohen vetë por edhe të përcjellin virusin. Kemi zhvilluar mësimin fizik këtë javë, duke respektuar numrin maksimal prej 10 nxënës, duke respektuar distancën. Të tjerët po zhvillojmë mësimin online”, u shpreh zonja ministre.