Ukraina: Parashutistët e Kievit ‘thyen’ kufirin me Kursk-un në një pikë tjetër

Parashutistët ukrainas kanë thyer kufirin me rajonin rus Kursk në një pikë të re.

Sipas mediave të huaja, këtë e raporton RBC-Ukraina, duke cituar departamentin e komunikimit të komandës së Forcave të Armatosura të Ukrainës në Telegram ku thuhet: “Njësitë e brigadës së sulmit ajror 957 kanë thyer një pjesë të frontit në kufirin rus në rajonin Kursk.

Është operacioni i dytë i suksesshëm për të thyer kufirin rus që nga fillimi i operacionit në territorin e rajonit rus Kursk”, thuhej në mesazh.

Departamenti i komunikimeve nuk specifikon saktësisht se ku në rajonin e Kursk është thyer fronti.

Kujtojmë se Ukraina nisi ofensivën e saj brenda territorit të Rusisë, ku deri më tani ka kapur disa mijëra km katror tokë.

LEXONI GJITHASHTU:

• Ukraina i bashkohet NATO-s në stërvitje për testimin e sistemeve kundër dronëve
• Inkursioni ukrainas, zyrtari i lartë i OKB-së viziton centralin bërthamor në Kursk