Keqpërdorimi i të dhënave personale, Erida Skëndaj: Hetimi të jetë i plotë, i pavarur dhe objektiv

Erida Skëndaj, drejtore ekzekutive e Komitetit Shqiptar të Helsinkit u shpreh në Euronews Albania se keqpërdorimi i të dhënave personale është një shqetësim parimor.

Ajo u shpreh se të dhënat personale nuk mund të përdoren pa pëlqimin e individëve.

“Reagimet që bëjmë janë shumë të kujdesshme nga pikëpamja e pajtueshmërisë me legjislacionin, por ne jemi të kujdesshëm për të kuptuar edhe se çfarë ndodh në arenën ndërkombëtare lidhur me keqpërdorimin e të dhënave personale të zgjedhjeve”, tha zonja Skëndaj.

“Kemi ndarë shqetësimin që marrja dhe përpunimi i të dhënave personale të zgjedhësve, ku evidentohen sipas medias numri personal i kartës së identitetit, ku evidentohet emri dhe mbiemri dhe një e dhënë sensitive siç janë bindjet politike. Kjo krijon premisa për shekeje të së drejtës për privatësi”, u shpreh ajo më tej.

Sipas saj, në raste të tilla duhet përgjegjshmëri dhe transparencë.

Zonja Skëndaj nënvizoi se hetimi për këtë çështje duhet të jetë i plotë, i pavarur dhe objektiv.

Lexoni gjithashtu:

Keqpërdorimi i të dhënave personale, KSHH: Subjektet të respektojnë privatësinë e çdo zgjedhësi

Akuzat për të dhënat personale, kreu i SPAK: Po bëjnë verifikime, së shpejti do ketë një përgjigje