LSI padi kundër Niko Peleshit për ‘shpërdorim detyre’, çështja dërgohet në SPAK

Në Korçë duket se ka nisur lufta e ashpër e akuzave dhe kundërakuza midis partive politike.

Përpara disa ditësh ka qenë Endrit Braimllari, i pari i listës së LSI në Korçë, i cili ka kallëzuar SPAK ministrin Niko Peleshi, po ashtu dhe 3 drejtor të tjerë me akuzën e “shpërdorimit të detyrës” dhe përdorimit të funksionit publik për veprimtari politike ose zgjedhore.

Gazetari i Euronews Albania, Xhensil Shkëmbi raportoi nga Korça se Braimllari ka akuzuar Petrika Tollguçin, drejtor i Fondit të Sigurimit të Detyrueshëm të Kujdesit Shëndetësor, Ilir Bajlozin, drejtor i Sigurimeve Shoqërore dhe Artur Qeramixhi, drejtor i OSHEE-së.

Nga ana tjetër, janë pikërisht drejtuesit e këtyre drejtorive, të cilët këtë mesditë kanë depozituar kallëzimin penal për shpifje dhe mashtrim ndaj sekretarit të përgjithshëm të LSI.