Mesazhi i klerikëve për zgjedhje, Shtjefni: Përgjegjësia më e madhe, ndërgjegjësimi i njerëzve

Mark Shtjefni, zëdhënës i konferencës Ipeshkvore tha në Euronews Albania se pjesëmarrja aktive në votime me përgjegjësi është një nga mesazhet më të rëndësishme që klerikët duan të përcjellin këto zgjedhje.

Sa i takon tundimit të shitjes së votës, kur kemi të bëjmë me njerëz në vështirësi ekonomike, Shtjefni sqaroi se kjo lidhet drejtpërdrejt me vullnetin e njerëzve dhe dëshirën për të ruajtur dinjitetin personal.

“Nëse unë e shes votën, nuk kam asnjë lloj të drejtë më, të kërkoj llogari se përse ato premtime elektorale të bëra gjatë fushatës nuk po zbatohen,” – u shpreh kleriku.

Ndërkaq, ai theksoi se shitja e votës nuk mund të quhet një mëkat që pastaj ti të rrëfehesh apo agjërosh dhe ky “mëkat” do të falet. E gjitha, sipas Mark Shtjefnit lidhet me ndërgjegjësimin, në mënyrë që të kuptohet se shitblerja e votës dhe korrupsioni janë gabim.

Kleriku përsëriti edhe njëherë se apeli për vlerësimin e votës dhe ruajtjen e saj për ta shfrytëzuar në favor të kandidatit që qytetarët preferojnë, do të vijojë.

LEXONI GJITHASHTU: 

• Klerikët mesazh për zgjedhjet, Kisha katolike: Mos votoni kandidat të dyshimtë. KMSH: Ruani dinjitetin
• Kleriku Gazmend Aga: Pandemia nuk e ndal agjërimin. Në fund do festojmë një Bajram të trefishtë