OSHEE: Rritja e çmimit të bukës abuzive, energjia për furrat e bukës s’është rritur

Operatori i Shpërndarjes së Energjisë Elektrike (OSHEE) ka njoftuar se nuk ka asnjë rritje të çmimit të energjisë elektrike për furrat e bukës, duke sqaruar se skema e faturimit për këto subjekte ka hyrë në fuqi që nga muaji prill pas marrëveshjes me vetë subjektet.

OSHEE thekson se koncepti i “orarit pik”, i vendosur që në vitin 2016 nga Enti Rregullator i Energjisë (ERE), zbatohet për energjinë e konsumuar në periudha të caktuara:

1 Nëntor – 31 Mars: nga ora 18:00 deri në 22:00

1 Prill – 31 Tetor: nga ora 19:00 deri në 23:00.

Gjatë këtyre orareve, çmimi për subjektet private është 15% më i lartë. OSHEE shprehet se çdo rritje e çmimit nga furrat e bukës është e padrejtë dhe abuzive, pasi skema e tarifimit ka qenë në fuqi që nga viti 2016 dhe nuk ka pasur ankesa për këtë tarifë.

Prej prillit 2024, janë miratuar tarifa të reja për furrat e bukës, ku koncepti i orarit pik është në zbatim. Kategoritë e miratuara nga ERE përfshijnë:

Kategoria I: 7.6 lekë/kËh (vetëm furrë buke)

Kategoria II: 9.5 lekë/kËh (furrë buke + pastiçeri)

Kategoria III: 12 lekë/kËh (furrë buke + pastiçeri + bar kafe).

OSHEE thekson se çmimi i energjisë për furrat e bukës është i subvencionuar nga shteti, duke mbështetur kështu një tarifim të drejtë për prodhuesit.

LEXONI GJITHASHTU:

• Sistemi i ri i pagave në OSHEE, Balluku: Do të konsiderohet vjetërsia në punë
• Balluku në konferencën e S3: Do krijojmë qendra kërkimore brenda institucioneve