Kushtet që duhet t’i përmbushë aeroporti i Kukësit për fluturimet ndërkombëtare

Aeroporti “Zayed, Flatrat e Veriut” në Kukës, ka pritur dje avionin e parë dhe ky akt për drejtorin e Divizionit Teknik në “Albcontrol”, Maksim Ethemaj, do të thotë se ky aeroport tashmë mund të quhet i certifikuar.

“Kushti i nevojshëm dhe i mjaftueshëm është që të certifikohet, certifikimi ka mbaruar, është kryer fluturimi. Kush është fazë e dytë? Është Publikimi, që do të thotë të bësh me dije palët e interesuara se një aeroport ne Kukës ekziston. Në jemi në këtë proces”, tha ai.

Ai tha se pas certifikimit duhet të përmbyllet edhe faza e dytë, e cila lidhet me publikimin e të dhënave të aeroprtit në Aviacionin e Evropës.

Pyetur nga gazetarja Loneta Progni se kur do bëhet fluturimi i parë ndërkombëtar në aeroportin e Kukësit, z. Ethemaj tha se kjo çështje i takon koncesionarit.

“Në 6 maj, që është një ditë publikimi në Evropë për aviacionin publikohen të dhënat e aviacionit. Në 17 qershor, të gjithë e dinë se aeroporti i Kukësit është atje me ato të dhëna gati për të pritur pasagjerët. Kur do të bëhet fluturimi i parë? Duhet pyetur koncesionari për këtë gjë”, tha ai.