Karantina për shtetasit që vijnë nga Greqia dhe RMV, LSI kërkon anulimin në Gjykatën Administrative

Pas vendimit të Komitetit Teknik për vendosjen e karantinës 2 javore për shtetasit që hyjnë nga Greqia dhe Maqedonia e Veriut, Lëvizja Socialiste për Integrim ka ndjekur rrugën ligjore.

Ajo ka dorëzuar në Gjykatën  Administrative të Tiranës një kërkesë për anulimin e këtij vendimi të Komitetit që e konsideron absurd, arbitrar dhe në shkelje të hapur me kushtetutën.

Komiteti i Ekspertëve, vendosi një ditë më parë të aplikojë një karantinë 14-ditore për të gjithë ata qytetarë që duan të hyjnë në vendin tonë nga Greqia dhe Maqedonia e Veriut.

Masa e karantinës do të nisë nga sot dhe do të qëndrojë në fuqi deri më 3 maj.

Sipas zv.ministre e Shëndetësisë Mira Rakacollit, një masë e tillë merret pasi këto vende fqinje kanë ende shifra të larta ditore të infektimeve.

Lexoni gjithashtu:

Nga nesër, karantinë 2-javore për udhëtarët nga RMV-ja dhe Greqia, gjimnazistët rikthehen në klasa

Vendimi i Komitetit të Ekspertëve, Haçkaj: Politika ka frikë nga votat e diasporës, po privohen nga të drejtat