Rama: Nuk pushojmë nga puna dikë që nuk voton PS, në 2013-tën i hoqëm për paaftësinë e tyre

Kryeministri Edi Rama tha në studion e “Ilva Now” se nëse dikush që është aktualisht në punë në administratë nuk voton PS-në në këto zgjedhje, nuk do të humbasë vendin e punës.

“Unë di njerëz që kanë votuar kundër dhe e di nga të tjerë, i ke aty në punë të gjithë. Nuk merret PS me këto. Nuk i bëjmë ne këto”, u shpreh z. Rama.

Kryeministri Rama tha se kur PS-ja erdhi në pushtet në 2013-tën kanë pushuar një pjesë të administratës, të cilën kryeministri e cilësoi si të paaftë.

Në 2013 kanë ikur një pjesë sepse kanë qenë shëmbëlltyra ulëritëse e paaftësisë të administratës. Mësues për shembull, nuk kanë ikur.