Shqetësimet e të rinjve, Ervjola Osmanaj: Papunësia dhe korrupsioni në arsim

Ervjola Osmanaj, presidente e rrjetit kombëtar të të rinjve në Shqipëri tha për Euronews Albania se nga sondazhet e bëra për të parë ku qëndrojnë problematikat kryesore të të rinjve, rezulton se papunësia dhe korrupsioni në arsim janë dy më kryesoret.

Ajo përmendi Kontratën Rinore Kombëtare që është një dokument që nga viti 2015 dhe ka si qëllim kryesor evidentimin e shqetësimeve kryesore të të rinjve.

Sipas saj në këtë anketë 70% e të rinjve rezultojnë të shqetësuar nga papunësia. Ndërkaq 53% e tyre janë të shqetësuar për korrupsionin në arsim dhe mungesën e meritokracisë.

“Pikënisja duhet të jetë të krijimi i zyrave të këshillimit të karrierës. Më pas duhet të bëhet një studim i mirëfilltë i tregut të punës në mënyrë që studentët të shkojnë në universitete ku ka kërkesë tregu i punës,” – u shpreh Osmanaj, teksa theksoi se duhet të vendosen politika për mbështetjen e punësimit rinor.

LEXONI GJITHASHTU: 

• “Kontrata Rinore Kombëtare”, 70% e të rinjve zgjedhin si problematikën më shqetësuese papunësinë
• Drejtësi për George Floyd, ish-oficeri dënohet me 40 vite burg, vendimi mirëpritet edhe nga presidenti Biden
• “Kemi një marrëveshje”: BE do të reduktojë emetimet me të paktën 55% deri në 2030