Pesë të vdekur në Kosovë nga Covid-19

Pesë persona kanë humbur jetën në Kosovë si pasojë e pandemisë Covid-19, ndërsa numri i rasteve të reja të infektimeve vijon të mbetet ende i lartë.

Sipas të dhënave të bëra publike nga ana e Institutit Kombëtar të Shëndetit Publik, në orët e fundi janë kryer 3003 teste, nga të cilat 382 prej tyre kanë rezultuar pozitivë.

Nga fillimi i pandemisë dhe deri sot në Kosovë janë raportuar 2110 humbje jete, kurse ajo që  shihet me shqetësim është numri i rasteve aktive.

“Numri total i rasteve pozitive është 103.124 raste nga 511.336 persona të dyshimtë në virusin SARS-CoV-2 dhe 2.110 raste të vdekjes .Gjatë 24 orëve të fundit, janë shëruar 507 pacientë derisa numri i përgjithshëm i të shëruarve deri më sot është gjithsej 89.648 raste, kurse numri i rasteve aktive është 11.366”, thekson IKSHPK-ja.

Rastet pozitive janë nga komunat:

Prishtinë 59 raste, Pejë 40 raste, Podujevë 27 raste, Ferizaj 26 raste, Mitrovicë 25 raste, Prizren 24 raste, Gjilan 21 raste, Lipjan 21 raste, Fushë-Kosovë 15 raste, Skenderaj 15 raste, Gjakovë 14 raste, Klinë 14 raste, Drenas 13 raste, Vushtrri 13 raste, Shtime 9 raste, Suharekë 8 raste, Malishevë 7 raste, Istog 6 raste, Deçan 5 raste, Viti 5 raste, Obiliq 4 raste, Rahovec 4 raste, Kaçanik 3 raste, Kamenicë 2 raste dhe Leposaviq 2 raste.

Autoritetet shëndetësore u bëjnë apel qytetarëve që të respektojnë masat anti-Covid me qëllim uljen e infektimeve.