Vriten 5 gazetarë palestinezë nga sulmi izraelit në Gaza
Një sulm ajror izraelit vrau 5 gazetarë palestinezë që ndodheshin jashtë një spitali në Rripin e Gazës, natën mes së mërkurës dhe së enjtes.
Lajmin e bëri të ditur Ministria e Shëndetësisë në enklavën palestineze, sipas të cilës sulmi goditi një automjet jashtë spitalit “Al Awda”, që ndodhet në kampin e refugjatëve Nuseirat, në qendër të Gazës.
Nga ana e saj, qeveria izraelite deklaroi se sulmi kishte goditur një grup militantësh. Viktimat ishin gazetarë që punonin për rrjetin informativ vendas “Quds News Network”.
Pamjet nga vendi i ngjarjes treguan atë që kishte mbetur nga furgoni i djegur, me sinjalizimet që ishte një makinë mediash ende të dukshme në dyert e tij.
Sipas Komitetit për Mbrojtjen e Gazetarëve, mbi 130 reporterë palestinezë janë vrarë që nga fillimi i luftës Izrael-Hamas në tetor të vitit të kaluar.
Izraeli ka kufizuar aksesin e gazetarëve të huaj në Gaza, veç rasteve kur e bëjnë këtë të shoqëruar nga ushtria hebraike.
LEXONI GJITHASHTU:
Kryefaqja
Tajani: Është SHBA-ja ajo që “duhet ta ndalojë Izraelin” për paqen në LM
SHBA tërheq trupat nga Lituania
Irani shënjestron anijen amerikane në Gjirin e Omanit! Araghchi: Nëse Izraeli sulmon Bejrutin, rifillon lufta
- 23:16 Mot i keq në Shkodër, autoritetet apel qytetarëve: Shmangni zonat me risk
- 23:07 “Opozitë e krimit”! Protestuesit nga selia e PS-së shkojnë para selisë së PD-së
- 22:35 Tajani: Është SHBA-ja ajo që “duhet ta ndalojë Izraelin” për paqen në LM
- 22:33 SHBA tërheq trupat nga Lituania
- 22:28 Qytetarët bllokojnë rrugën pranë selisë së PS-së, thirrje të rinjve: Ngrihuni nga kafet
- 22:27 Irani shënjestron anijen amerikane në Gjirin e Omanit! Araghchi: Nëse Izraeli sulmon Bejrutin, rifillon lufta