“980.000 ushtarë në luftime”, Zelensky: Kemi ushtrinë më të madhe në Evropë

Presidenti ukrainas Volodymyr Zelensky tha se Ukraina ka 980.000 njerëz të armatosur që luftojnë kundër Rusisë në të gjitha frontet dhe se ushtria ukrainase është “më e madhja në Evropë”.

Kyiv Independent thekson se Zelensky nuk e mori parasysh Rusinë në atë vlerësim, e cila sulmoi Ukrainën me më shumë se një milion njerëz pothuajse tre vjet më parë. “Ukraina ka ushtrinë më të madhe në Evropë.

Pas nesh vjen Franca, e cila ka katër herë më pak ushtarë. Më duket se francezët kanë 200.000 ushtarë, kurse ne kemi 980.000”, theksoi Zelensky.

Më herët Zelensky tha se Rusia ka pësuar humbje të mëdha gjatë pesë muajve luftimesh kundër forcave ukrainase në rajonin jugor të Rusisë, Kursk, me gati 15.000 ushtarë të vrarë.

LEXONI GJITHASHTU:

• Presidenti ukrainas Zelensky: Gati 15 mijë ushtarë rusë janë vrarë në Kursk
• Zelensky: Trump mund të luajë rol vendimtar për fundin e luftës në Ukrainë