Ish-kryeministri Berisha: Votoni për emigrantët që regjimi në largim i bllokoi

Ish-kryeministri Sali Berisha i shoqëruar nga bashkëshortja e tij, Ilir Berisha kanë votuar në qendrën e votimit pranë shkollës “Kosova”.

Gjatë procedurës së identifikimit biometrik pati një problem teknik ku pas disa provave u arrit përfundimi i procedurës.

Z. Berisha tentoi disa herë vendosjen e gishtit në aparaturë deri në momentin që u bë identifikimit biometrike, një procedurë e tillë kryhet për herë të parë në një proces zgjedhor në Shqipëri.

Në fjalën e tij të shkurt jashtë qendrës së votimit, z. Berisha ftoi qytetarët që të votojnë ndërsa e konsideroi procesin e deritanishëm të rregullt ndërsa foli për fitore të sigurt të opozitës.

“Fitorja ka fytyrën dhe bukurinë e kësaj dite të bekuar. Ftoj me këtë rast çdo qytetar të këtij vendi të firmosë ditën e sotme një fitore madhështore për Shqipërinë dhe shqiptarëve të votojë për sakrificat e tij, të votojë për familje, fëmijët nipërit, mbesat, të votojnë për emigrantët shqiptar që një regjim në largim i bllokoi, u shpiku karantinë si një mjek politik për të mos lejuar votimin e tyre. Të votojnë për të cilët ata që i thonë lirisë liri dhe Shqipërisë, Shqipëri, rroftë fitorja. Deri tani votimi po ecën i sigurt drejt fitore me gjithë grahmat, përpjekjet e përpëlitjet antiligjore të pamoralë të ikanakëve. Fitorja po bëhet çdo sekondë dhe çdo orë më e madhe, më e fuqishme”, tha z. Berisha.