Rezultatet e zgjedhjeve mund t’i ndiqni direkt në aplikacionin e Euronews Albania

Rreth orës 23:00 të së dielës, Komisioni Qendror i Zgjedhjeve raportoi rezultatet e para të numërimit të votave, rezultate të cilat u reflektuan direkt në aplikacionin e Euronews Albania (kliko këtu për të shikuar rezultatet).

Gazetari Sonil Frashëri tregoi se si mund të qaset ky aplikacion në çdo moment dhe se si mund të shikohen aty të dhënat për çdo qark, në nivel krahasimi me rezultatet e shkuara madje edhe në nivel mandatesh.

“Te aplikacion i Euronews Albania mund të bëni dhe krahasimin se si ka qenë rezultati në këtë bashki në vitin 2017 në këtë zonë,” tha gazetari Frashëri duke vijuar me shpjegimin.

Nga të dhënat e para të KQZ-së u reflektuan kutitë e numëruara në Bashkinë Pustec, ku PS rezultoi me 46.27%, PD me 44.71% dhe LSI me 6.67%.

Sipas të dhënave të plota të Exit-Poll-it të Euronews Albania dhe MRB rezulton se do të ketë një garë të fortë mes PS-së dhe opozitës.

LEXONI GJITHASHTU:

• Exit Poll-i kombëtar, PS 68-72 mandate, PD 60-64
• Exit Poll i Euronews Albania dhe MRB citohet masivisht në mediat prestigjioze ndërkombëtare