Ish-senatori Bob Menendez dënohet me 11 vjet burg

Ish senatori Bob Menendez u dënua të mërkurën me 11 vjet burg pasi u gjet fajtor se kishte marrë në formë ryshfeti para dhe kallëpe ari dhe kishte vepruar si një agjent në shërbim të qeverisë egjiptiane.

Dënimi shënon aktin e fundit të rënies për Menendez, i cili u dënua korrikun e kaluar për pasurim nëpërmjet një sërë aktesh korruptive.

Prokurorët thanë se në këmbim të arit, mijëra dollarëve dhe një makine luksoze, demokrati u përpoq të mbronte bashkëpunëtorët nga hetimet penale, u takua me zyrtarë të inteligjencës egjiptiane dhe ndërmori hapa për ta ndihmuar Egjiptin të kishte qasje tek ndihma ushtarake e Shteteve të Bashkuara prej miliona dollarësh.

Menendez, 71 vjeç, ka deklaruar më herët se do ta apelojë vendimin.

Ai dha dorëheqjen nga Senati pas shpalljes fajtor vitin e kaluar dhe humbi shumë nga pushteti i tij që në vjeshtën e vitit 2023, ndërsa u bënë publike akuzat kundër tij dhe u detyrua të jepte dorëheqjen nga pozita e rëndësishme në Senat e kreut të Komisionit për Marrëdhëniet me Jashtë.

LEXONI GJITHASHTU:

• SHBA| Senatori Bob Menendez shpallet fajtor për marrje ryshfeti
• Senati konfirmon Hegsethin në postin e sekretarit amerikan të Mbrojtjes