Hamasi liron 3 pengje të tjera, në shkëmbim të disa të burgosurve palestinezë

Grupi i armatosur palestinez Hamas ka publikuar emrat e tre pengjeve që ka deklaruar se do t’i lirojë të shtunën sipas marrëveshjes së armëpushimit me Izraelin.

Ata janë izraelitë Ofer Kalderon, 53 vjeç dhe Yarden Bibas, 34 vjeç dhe amerikano-izraelitë Keith Siegel, 65 vjeç.

Zyra e kryeministrit izraelit tha se Izraeli kishte marrë listën e pengjeve. Izraeli do të lirojë një grup tjetër të burgosurish palestinezë në këmbim.

Ky do të shënojë shkëmbimin e katërt të tillë pengjesh për të burgosur që nga hyrja në fuqi e armëpushimit më 19 janar.

Rreth 251 pengje u morën nga Hamasi kur sulmoi Izraelin më 7 tetor 2023, duke vrarë rreth 1200 njerëz.

Sulmi shkaktoi një luftë që ka shkatërruar Gazën. Ofensiva ushtarake 15-mujore e Izraelit vrau 47,460 palestinezë në territor, sipas ministrisë së shëndetësisë të Hamasit të Gazës.

LEXONI GJITHASHTU:

• Grupi palestinez Hamas liron tetë pengje, ia dorëzon Kryqit të Kuq
• Mijëra palestinezë kthehen në veri të Gazës pas marrëveshjes për pengjet