Influenca ruse në Gjermani, ligjvënësit: Moska po përpiqet të ndikojë në zgjedhje

Kur mungon më pak se një muaj nga zgjedhjet, ligjvënësit gjermanë po japin alarmin se shtetet autoritare, përfshirë Rusinë, po përdorin keqinformimin për të nxitur destabilitetin.

Ministria e Jashtme gjermane sapo ka identifikuar një grup që fshihej prapa postimit të lajmeve të rreme në rrjetet sociale.

Politikani i Unionit Kristian-Socialist, Thomas Erndl ka konfirmuar se qeveria është në dijeni se Rusia po përpiqet të ndikojë në zgjedhjet në Evropë, sidomos në Poloni dhe Gjermani.

 “Rusia po bën përpjekje masive dhe natyrisht kjo do të ketë pasoja. Rritja e AfD-së, për shembull, bazohet tek këto mekanizma: vënia në dyshim e shtetit dhe institucioneve, përhapja e narrativës se nuk po funksionon asgjë dhe portretizimi i të huajve dhe refugjatëve si një problem madhor”,- Thomas Erndl,  Deputet i CSU, Gjermani.

Euronews kërkoi një koment nga ambasada ruse në Berlin lidhur me akuzat, por nuk mori përgjigje përpara transmetimit të kronikës.

 “Institucionet duhet t’i bëjnë kontrast këtyre fushatave. Duhet të përmirësojmë mbrojtjen tonë. Ka përpjekje dhe nisma, përfshirë nga Ministria e Brendshme, por na duhen më shumë fonde për t’u siguruar që institucionet të kenë pajisjet e duhura. Ne duhet të përdorim teknologjitë moderne si inteligjencën artificiale për të analizuar këto procese. Por, çka është më e rëndësishme, na duhet edukim dhe ndërgjegjësim publik. Dhe këtu kemi ende një rrugë të gjatë përpara”, Thomas Erndl,  Deputet i CSU, Gjermani.

Politikani nga radhët e të Gjelbërve, Konstantin von Notz tha për Euronews se shtete si Rusia dhe Kina po shfrytëzojnë pikat e dobëta të Perëndimit, duke kërcënuar sigurinë.

 “Shërbimet sekrete janë gjithashtu një mjet i rëndësishëm kontrasti. Në këtë fushë na duhen si burime më të mira me më shumë personel, ashtu edhe më shumë autoritet ligjor. Besoj se lavjerrësi duhet të anojë nga nevojat e sigurisë, që do të thotë t’u ofrojë shërbimeve sërish më shumë të drejta”, Thomas Erndl,  Deputet i CSU, Gjermani.

Erndl rekomandon një bashkëpunim evropian më të fuqishëm për të frenuar fushatat e keqinformimit, sidomos nëse autorët ndodhen jashtë vendit.

Ndërsa politikanë të tjerë kritikojnë BE-së dhe Ministrinë e Brendshme gjermane se kanë dështuar në marrjen e masave të duhura.

LEXONI GJTHASHTU:

• Vodafone realizon me sukses video-telefonatën e parë hapësinore në botë me satelitin
• Ulet besimi në ekonomi, biznesi dhe qytetarët nuk presin rritje të “portofolit”