Kinezët zbulojnë koronavirusin e ri te lakuriqët e natës, transmetohet te njerëzit
Një ekip shkencëtarësh kinezë ka zbuluar një koronavirus të ri te lakuriqët e natës me rrezik të mundshëm të transmetimit nga kafshët te njerëzit, por rreziku i shfaqjes së tij në popullatën njerëzore nuk duhet të ekzagjerohet, raportoi gazeta e Hong Kongut “South China Morning Post”.
Studimi u krye nga shkencëtarë nga Akademia e Shkencave Guangzhou, Universiteti Wuhan dhe Instituti i Virologjisë Wuhan, të udhëhequr nga virologu Shi Zhengli në një laborator në qytetin Guangzhou, në provincën jugore të Kinës Guangdong.
Shkencëtarët kanë identifikuar një variant të ri të virusit HKU5 në një lakuriq nate në Hong Kong, një anëtar i familjes së merbeccoviruseve, si virusi që shkakton sindromën e frymëmarrjes në Lindjen e Mesme (MERS).
Sipas studiuesve, virusi i identifikuar është në gjendje të lidhet me enzimën njerëzore konvertuese të angiotenzinës (ACE2), i njëjti receptor i përdorur nga virusi Sars-CoV-2 që shkakton Covid-19 dhe infekton qelizat.
“Ne raportojmë zbulimin dhe izolimin e një linje të veçantë (linja dy) e HKU5-CoV që mund të përdorë jo vetëm ACE2 të lakuriqëve të natës, por edhe ACE2 njerëzore dhe ortologë të ndryshëm ACE2 të gjitarëve”, shkruajnë shkencëtarët në një punim të botuar në revistën Cell.
Studiuesit deklaruan gjithashtu se “merbeccoviruset e lakuriqëve të natës… paraqesin një rrezik të lartë për t’u përhapur te njerëzit ose me transmetim të drejtpërdrejtë ose nëpërmjet pritësve të ndërmjetëm”.
LEXONI GJITHASHTU:
Deklaratat antisemite të artistit, Gjykata holandeze i hap rrugën koncerteve të Kanye West
SpaceX drejt ofertës publike fillestare më të madhe në histori, prej 75 miliardë dollarësh
Dhoma e Përfaqësuesve miraton masën për t’i dhënë fund luftës në Iran
- 09:31 Vrau një polic dhe plagosi një tjetër, del fotoja e autorit të ngjarjes së rëndë në Maliq
- 09:24 Deklaratat antisemite të artistit, Gjykata holandeze i hap rrugën koncerteve të Kanye West
- 09:11 SpaceX drejt ofertës publike fillestare më të madhe në histori, prej 75 miliardë dollarësh
- 09:08 Policia del me njoftim zyrtar: Si u vra efektivi dhe u plagos kolegu i tij, detajet nga operacioni
- 08:50 Një mbeti i vrarë dhe tjetri u plagos, zbardhen emrat e efektivëve që u qëlluan me armë në Maliq
- 08:43 Dhoma e Përfaqësuesve miraton masën për t’i dhënë fund luftës në Iran