Zuckerberg i vendosur të konkurrojë ChatGPT, plani për aplikacionin e ri

Sipas raporteve të mediave, Meta e Mark Zuckerberg është vendosur të zhvillojë aplikacionin e vet të pavarur të AI për të konkurruar me ChatGPT të OpenAI.

Duke cituar burime të njohura me këtë çështje, CNBC raportoi se aplikacioni, i quajtur Meta AI, do të dalë në treg gjatë tremujorit të dytë të 2025 dhe është pjesë e planeve të kompanisë për t’u bërë lider në Inteligjencën Artificiale deri në fund të vitit.

Konkurrentët e tij përfshijnë emra të tillë si OpenAI i udhëhequr nga Sam Altman dhe kompania mëmë e Google, Alphabet.

Chatbot Meta AI u lëshua në vitin 2023 si një asistent virtual që përdor modele të mëdha gjuhësore. Publikimi i ardhshëm i raportuar do të jetë i një aplikacioni të pavarur, i cili do të vendoset së bashku me aplikacionet e tjera të kompanisë, si Facebook, Instagram dhe WhatsApp.

Ndërkohë, një shërbim abonimi me pagesë që lejon përdoruesit të aksesojnë versione më të avancuara të chatbot-it do të fillojë testimin në tremujorin e dytë të vitit, sipas Reuters, pa të ardhura domethënëse që pritet të fitohen të paktën deri në vitin e ardhshëm.

Në janar, CEO Mark Zuckerberg njoftoi se kompania do të shpenzonte midis 60 dhe 65 miliardë dollarë këtë vit për të nxitur zgjerimin e saj të AI.

LEXONI GJITHASHTU:

• Zuckerberg: Administrata e Biden trysni për censurimin e informacioneve mbi COVID 19
• Mark Zuckerberg tejkalon Jeff Bezos, bëhet personi i dytë më i pasur në botë