Analisti Nesturi: Protagonizmi i Metës gjatë fushatës, e ka dëmtuar Bashën

Analisti Plator Nesturi tha në studion e “Ilva Now” se një nga arsyet pse Partia Demokratike nuk ka pasur rezultat të mjaftueshëm në zgjedhjet e 25 prillit është ngjarja që ndodhi në Elbasan pak ditë para zgjedhjeve.

“Basha ka qenë i trysnuar nga elementët që duan konfliktin në vetvete dhe që donin ta kthenin PD-në te historiku i politikës së ashpër që realisht e kanë dëmtuar, pikërisht me ngjarjen e Elbasani dhe çështje të tjera”, u shpreh z. Nesturi, duke shtuar se PD-ja është dëmtuar nga ngjarja e Elbasanit, jo nga Meta.

Mirëpo Plator Nesturi tha se edhe ndërhyrja e presidentit Meta në fushatën zgjedhore e ka dëmtuar elektoratin e PD-së, për shkak se sipas tij z. Meta ka pasur një protagonizëm në dëm të z. Basha gjatë fushatës zgjedhore.

“Ka një perceptim, elektorati i PD-së mund të jetë i pakënaqur nga Meta sepse deshi të luante një lloj protagonizmi në dëm të Bashës, që me deklaratat e tij kur thoshte se unë do të rikthehem si lider i opozitës nëse humbasim”, u shpreh analisti Nesturi.