Mbyllet numërimi i votave për kandidatët në Korçë, kush janë më të votuarit tek PS e PD

Procesi i numërimit të votave preferenciale është mbyllur zyrtarisht në 5 qarqe si në Shkodër, Kukës, Dibër, Korçë dhe Gjirokastër. Ndërkohë që mbeten për t’u numëruar shumë kuti në qarqet Tiranë dhe Durrës.

Në qarkun e  Korçës nga numërimi i të gjitha votave rezulton se nga Partia Socialiste kandidati më i votuar është ish-kreu i bashkisë, njëkohësisht ministër i Mbrojtjes, Niko Peleshi me 11479 vota, ndërsa në kampin blu më i votuari rezulton Ervin Salianji me 9428 vota.

Në qarkun e Korçës PS ka fituar me 48.89% kundrejt 40.76% të PD, ndërsa LSI pavarësisht se mori 6.85% nuk fitoi asnjë mandat.

Kështu 11 mandatet e qarkut Korçë ndahen 6 për PS dhe 5 për PD.