Sot pritet të mbyllet numërimi për kandidatët, kush e theu herësin, kush ngeli jashtë

Ditën e sotme duket se do të përmbyllet procesi i numërimit të votave edhe për kandidatët. Deri më tani rezultojnë se 3 janë kandidatët që kanë thyer herësin, Fatmir Xhafaj dhe Ornaldo Rakipi në listën e PS-së në Tiranë si dhe Luçiano Boçi i PD në Elbasan, ndërsa shume afër është edhe Agron Kapllanaj i PD në Fier.

Në këtë qark vota mjaftueshëm për të thyer herësin ka marrë dhe Gramoz Ruçi, pavarësisht se ai konsiderohet pjese e listës fituese pas ndarjes nga jeta të Bashkim Finos.

Drejtuesi i qarkut Fier për PS-në do të ndryshoje pozicionin e tij në pjesën fituese të listës, ashtu si disa kandidatë të tjerë në disa qarqe.

Tashmë procesi është mbyllur zyrtarisht  Shkodër, Kukës, Dibër, Korçë dhe Gjirokastër. Ndërkohë që mbeten për t’u numëruar shumë kuti në qarqet Tiranë dhe Durrës.