Trump komenton akuzat për luftë me Kinën dhe takimin me Musk në Pentagon

Presidenti i Shteteve të Bashkuara, Donald Trump, ka reaguar ashpër ndaj raportimeve se bashkëpunëtori i tij Elon Musk do të ketë një takim në Pentagon për t’u informuar për një “luftë” të mundshme me Kinën.

Trump i quajti akuzat “lajme të rreme” në llogarinë e tij të platformës “Truth Social”, veçanërisht ato të publikuara nga, siç tha ai, “e dështuara (e përditshmja amerikane) ‘New York Times'”, e cila dyshohet se ka paraqitur informacione të pasakta se Musk do të informohej për planet ushtarake që lidhen me Kinën.

“Kina nuk do të përmendet apo diskutohet. Sa e turpshme që mediat e diskredituara të sajojnë gënjeshtra të tilla. Historia është krejtësisht e rreme”, shkroi Trump.

Sipas raportimeve të mediave, të cilat u konfirmuan nga zyrtarë amerikanë menjëherë pas publikimit, Pentagoni planifikoi të zhvillonte një takim me Musk sot, i cili do të fokusohej në planet ushtarake në rast të një lufte me Kinën.

Megjithatë, menjëherë pas publikimit të lajmit në New York Times, zyrtarët e Pentagonit dhe Trump mohuan se takimi kishte lidhje me Kinën.

Nuk është e qartë nëse ai takim do të zhvillohet.

Nëse do të ndodhte, mediat theksojnë se do t’i jepte Musk akses në disa prej sekreteve ushtarake më të ruajtura.

LEXONI GJITHASHTU:

• Trump nënshkruan urdhrin ekzekutiv për mbylljen e Departamentit të Arsimit
• Nis bojkoti i mallrave amerikane në Grenlandë për shkak të deklaratave të Trump