Polonia pezullon kërkesat për azil për emigrantët nga Bjellorusia

Kryeministri polak Donald Tusk tha të mërkurën se qeveria e tij do të pezullojë përkohësisht të drejtën e migrantëve që mbërrijnë në Poloni përtej kufirit me Bjellorusinë për të aplikuar për azil.

Tusk njoftoi vendimin për të miratuar një ligj të diskutueshëm të nënshkruar nga presidenti polak Andrzej Duda, i cili do t’i lejojë autoritetet polake të pezullojnë të drejtën e azilit deri në 60 ditë, raporton BBC.

Ky ligj është kritikuar nga grupet e të drejtave të njeriut, duke përfshirë Human Rights Watch (HRW), duke deklaruar se BE-ja duhet të ndërmarrë veprime ligjore kundër Polonisë nëse ligji zbatohet.

HRW muajin e kaluar i bëri thirrje parlamentit polak që të refuzojë projektligjin, duke thënë se ai ishte “në kundërshtim me detyrimet ndërkombëtare të Polonisë” dhe mund të mbyllte plotësisht kufirin e Polonisë me Bjellorusinë, ku autoritetet polake tashmë po kryejnë dëbime të paligjshme dhe të dhunshme të emigrantëve.

Qeveria polake njoftoi më parë se pezullimi do të zbatohej përkohësisht vetëm për personat që paraqesin kërcënim për sigurinë kombëtare , me përjashtime që bëhen për të miturit e pashoqëruar, gratë shtatzëna, të moshuarit ose të sëmurët dhe ata që përballen me një rrezik real nëse kthehen në vendin ku kanë ikur.

Kryeministri polak Donald Tusk hodhi poshtë kritikat nga grupet e të drejtave të njeriut.

LEXONI GJITHASHTU:

• Polonia akuza Rusisë: Planifikon akte terroriste ndaj linjave ajrore në mbarë botën
• Përplasja me Trump, kryeministri polak Tusk mbështet Zelenskyn: Nuk jeni vetëm