Kurti jep shenja për moszbatimin e marrëveshjes në Uashington

Kryeministri i Kosovës, Albin Kurti ka dhënë shenja se nuk do ta zbatojë marrëveshjen e Uashingtonit, edhe pse ditë më parë departamenti i shtetit Amerikan tha se administrata e re Biden mbështet të arriturat e zotimeve të 4 shtatorit të vitit të kaluar.

Kreu i ekzekutivit, vazhdon ta shohë këtë marrëveshje si një grumbull pikash, e jo marrëveshje merre ose lerë.

Këtë qëndrim të Kurtit, shefi i grupit parlamentar të PDK-së, Abelard Tahiri kërkon ta sqarojë në Kuvendin e Kosovës, pasi sipas tij, i pari i qeverisë shpesh herë i ka ndryshuar qëndrimet me ardhjen e tij në pushtet. Implementim të kësaj marrëveshje kërkon edhe anëtarja e kryesisë së Lidhjes Demokratike të Kosovës, Teuta Sahatçija, e cila thotë, se zotimet e Uashingtonit po mbështetën edhe nga administrata Biden.

Kosova dhe Serbia më 4 shtator të vitit 2020 kanë nënshkruar një dokument të zotimeve në Shtëpinë e Bardhë në Uashington. Të njëjtat, kryeministri Kurti sa ishte në opozitë i ka kritikuar, duke i quajtur të dëmshme.

LEXONI GJITHASHTU: 

• Kurti takim me Borrell në Bruksel, dialogu me Serbinë nuk do të rifillojë më 11 Maj
• Dialogu trazon politikën | Haradinaj: Kurti veproi drejt. Hoxhaj: Përmbysi trashëgiminë
• Lajčák optimist për dialogun: Nëse ka vullnet politik, marrëveshja arrihet brenda disa muajsh