CDU e SPD i japin fund ngërçit politik në Gjermani, Merz drejt postit të kancelarit

Konservatorët dhe partitë e qendrës së majtë në Gjermani kanë arritur një marrëveshje për formimin e qeverisë së re, pas javësh të tëra negociata.

Përmes akordit në fjalë, ekonomisë më të madhe në Evropë i është hapur rruga për një lidership të ri.

Friedrich Merz, kryetari i Unionit Kristian Demokrat, CDU, pritet të bëhet kancelari i ri i Gjermanisë, duke zëvendësuar Olaf Scholz.

Blloku dypartiak i udhëhequr nga Merz doli si forca më e fuqishme politike nga zgjedhjet federale të muajit shkurt në Gjermani.

Merz iu drejtua Social-Demokratëve, partia e qendrës së majtë e drejtuar nga Scholz, që të bënin bashkë një koalicion me shumicë parlamentare.

Megjithatë do të duhet pak kohë përpara se Parlamenti të mund të zgjedhë Merz si kancelar, gjë që pritet të ndodhë në fillim të majit.

Përpara realizimit, marrëveshja e koalicionit duhet të aprovojë me votë pjesëmarrjen e SPD-së dhe nga një konventë e CDU-së së Merz.

Detajet e akordit nuk janë bërë të ditura.

Muajin e kaluar, dy palët çuan në Bundestag planet për të mundësuar rritjen e shpenzimeve ushtarake, duke lehtësuar rregullat strikte mbi borxhin, si dhe për të ngritur strukturën e një fondi madhor me qëllim nxitjen e zhvillimit ekonomik.

LEXONI GJITHASHTU:

• SHBA-ja, Gjermania dhe Britania: Presim nga Kosova koordinim dhe përparim në dialog
• Trump në takim me Netanyahun, sugjeron sërish zhvendosjen e palestinezëve