Bisedimet SHBA-Kinë, 2 ekonomitë më të mëdha në botë tentojnë të ulin tensionet

Kanë nisur të shtunën në Gjenevë të Zvicrës bisedimet direkte për uljen e tensioneve tregtare mes Shteteve të Bashkuara dhe Kinës.

Bëhet fjalë për takimin e parë mes dy protagonistëve kryesorë të luftës globale të tarifave, e nisur nga administrata Trump në atë që njihet si “Dita e Çlirimit”.

Konkretisht, në qytetin zviceran kanë qëndruar sekretari i Thesarit Scott Bessent dhe ai i Tregtisë, Jamieson Greer nga pala amerikane, si dhe zëvendës kryeministri He Lifeng nga ajo kineze.

Një ditë më parë, presidenti amerikan njoftoi uljen në 80 për qind të tarifave mbi produktet kineze, duke e cilësuar kuotën e re një shifër “të drejtë”.

Më herët Donald Trump hoqi tarifat prej 25 për qind mbi çelikun dhe aluminin britanik dhe shkurtoi tarifën për automjetet e importuara britanike nga 27.5 në 10 për qind.

Vendimi u mor pas negociatave dypalëshe mes Shteteve dhe Mbretërisë së Bashkuar, në të cilat u angazhuan edhe vetë krerët e dy vendeve.

Në fjalën e tij nga Dhoma Ovale, Trump shprehu bindjen se një marrëveshje e ngjashme do të mund të arrihet edhe me Bashkimin Evropian.

LEXONI GJITHASHTU:

• Protesta në Sllovaki: Qytetarët kundërshtojnë vizitën e kryeministrit Fico në Moskë
• Një armëpushim 30-ditor? Udhëheqësit evropianë telefonojnë Trumpin nga Ukraina