Rusia dhe Ukraina shkëmbejnë qindra ushtarë të burgosur lufte
Rusia dhe Ukraina i kanë këmbyer të shtunën qindra ushtarë, nga 307 prej secilës palë – në ditën e dytë të këmbimit të burgosurve të luftës, i cili, pasi të përfundojë, pritet të jetë më i madhi në luftën trivjeçare mes tyre.
Lajmi u bë i ditur nga presidenti i Ukrainës, Volodymyr Zelensky, dhe Ministria e Mbrojtjes e Rusisë. Të premten, këto dy vende liruar secila nga gjithsej 390 ushtarë dhe civilë.
“Në mesin e atyre që u kthyen ka ushtarë nga ushtria jonë, Shërbimi Shtetëror i Kufirit dhe Garda Kombëtare e Ukrainës”, tha Zelensky në kanalin e tij zyrtar në Telegram.
“Presim që edhe të tjerë të kthehen nesër”, shtoi ai.
Edhe Ministria e Mbrojtjes e Rusisë tha se pret që këmbimi të vazhdojë, megjithëse nuk dha hollësi.
Të premten ishin këmbyer 390 të burgosur nga secila palë dhe se këmbimi pritet të vazhdojë të dielën.
Këmbimi i së shtunës ndodhi disa orë Rusia e sulmoi Kievin me dronë dhe raketa, duke i plagosur të paktën 15 njerëz dhe duke i detyruar shumë njerëz të kërkojnë strehim në stacionet e metrosë.
Në bisedimet e para që nga fillimi i pushtimit rus më 2022, të mbajtura në Stamboll në fillim të këtij muaji – Kievi dhe Moska u pajtuan t’i këmbenin secili nga 1.000 të burgosur lufte.
LEXONI GJITHASHTU:
Bahreini: U shënjestruam nga dronë iranianë pas sulmeve amerikane ndaj Iranit
Nga Chevrolet te raketat Patriot, Amerika ndryshon strategjinë ushtarake
Barack Obama i ka ngritur një monument vetes
- 14:45 Bahreini: U shënjestruam nga dronë iranianë pas sulmeve amerikane ndaj Iranit
- 14:32 “Omega” përvëlon Europën, 94 milionë njerëz përballen me temperaturat ekstreme
- 14:17 Ministri i Brendshëm Lamallari për Euronews Albania: Mund të shpallen persona të tjerë “Non Grata”
- 14:02 Nga Chevrolet te raketat Patriot, Amerika ndryshon strategjinë ushtarake
- 13:36 KQZ certifikoi rezultatin e zgjedhjeve në Kosovë, ja sa ulëse fituan LVV, PDK, LDK dhe AAK në Kuvend
- 13:27 Barack Obama i ka ngritur një monument vetes