Ndërroi jetë pas ndërhyrjes në zemër, zhvillohen homazhe për Artan Lamen

Artan Lame një figurë e njohur e politikës dhe botës intelektuale shqiptare u nda nga jeta pak ditë më parë në Mynih ku kreu një ndërhyrje në zemër. Lame i cili vuante prej vitesh nga probleme kardiake u nda nga jeta në moshën 58-vjeçare.

Këtë të martë pranë Akademisë së Shkencave po zhvillohen homazhe për nder të tij, ku miq, kolegë dhe personalitete të njohur kanë qenë të pranishëm për ti dhënë lamtumirën e fundit.

“Ishte një njeri unik, një intelektual me dije të shumanshme, kishte dijeni për çdo gjë dhe ishte një patriot i lindur. dua të sjell në vëmendje çështjen e detit me Greqinë, se ka mbrojtur askush si Artan Lame. Pak kush e ka mbrojtur atë çështje si Artan Lame në atë kohë. Unë ndihem krenar që e kam patur mik, bashkëudhëtar dhe sot shikoj zbrazëti në rrugët e Tiranës. U prehtë në paqe”,-tha Ulsi Manja.

Blendi Gonxhja e ka kujtuar kështu kolegun dhe mikun e tij:

“Vendi ynë ka humbur një kujdestar të lartë dhe unik të trashëgimisë kulturore dhe historike. Kam komunikuar me të përpara kësaj fatkeqësie dhe tragjedie për familjen e tij dhe rrethin, për muzeun e koleksionit për të cilën punonte me miqtëë e tij të mirë. Jam tërësisht i dërrmuar. Minimumi që të gjithë ne do btë bëjë është që të mbështesim muzeun në mënyrë që të nderojmë punën e tij”, tha ai.

Artan Lame ka qenë një publicist i angazhuar dhe një zë i fortë në mbrojtje të trashëgimisë kombëtare. Ai ishte themelues i Forumit për Mbrojtjen e Trashëgimisë Kulturore dhe shquhej për përkushtimin e tij ndaj ruajtjes së vlerave historike të vendit. Miqtë e tij kanë paralajmëruar se në nder të tij do të ngrihet një muze pranë Gardës së Republikës.

Lame ka qenë anëtar i Partisë Socialiste dhe ka kandiduar për deputet në zgjedhjet parlamentare të vitit 2005, 2009 dhe 2013. Nga 2011 deri në 2013, ai ka qenë anëtar i grupit të punës për hartimin e Programit të PS-së.

Në fushën e shoqërisë civile, ai ka shërbyer si Nënkryetar i Federatës së Koleksionistëve Shqiptarë dhe ka përfaqësuar Shqipërinë në organizata ndërkombëtare si “World Collectors Club” në Gjenovë dhe “Instituto degli Studi Araldici” në Milano. Gjithashtu, ai ka qenë Komisar për Shqipërinë në Panairin “IBRA ‘99” në Nuremberg.

LEXONI GJITHASHTU:

• Ndahet nga jeta në moshën 58-vjeçare Artan Lame
• Historiani: Ku përfundoi makina e veçantë që Hitleri i dhuroi Ahmet Zogut