Vrasja e 40-vjeçarit në Vlorë, dyshohet se 3 persona kanë finalizuar ekzekutimin

Euronews Albania ka siguruar detaje të reja nga vrasja e djeshme në Vlorë, ku u ekzekutua me kallashnikov Bledar Birçaj, 40-vjeç.

Burime nga grupi hetimor bëjnë me dije se pista kryesore e vrasjes së 40-vjeçarit është përqendruar tek aktiviteti i tij jashtë vendit.

Sipas informacioneve viktima ka qëndruar për rreth dy vite në, Spanjë Holandë dhe Belgjikë ku hetuesit dyshojnë se ka ushtruar aktivitet të jashtëligjshëm.

Megjithatë për të vërtetuar këtë pistë autoritetet shqiptare kanë nisur shkëmbimin e informacioneve me partnerët për të mësuar nëse atje viktima ka pasur rekorde kriminale apo konflikte.

3 janë personat që dyshohet se kanë finalizuar ekzekutimin e Birçajt dhe sipas hetuesve e kanë ndjekur viktimën deri në eliminimin fizik të tij.

Deri në këtë fazë të hetimit nuk bëhet me dije të jenë sekuestruar prova të vlefshme që mund të çojnë në identifikimin e autorëve.

Aktualisht hetuesit janë përqendruar tek kamerat e sigurisë ndonëse autorët janë treguar tepër të kujdesshëm.

Lexoni gjithashtu:

Vlorë, ekzekutohet me breshëri automatiku 40-vjeçari