Ndërron jetë Brian Wilson, vokalisti legjendar i ‘The Beach Boys’

Brian Wilson, vokalisti i njohur dhe bashkëthemeluesi i grupit të famshëm The Beach Boys, ka ndërruar jetë në moshën 82-vjeçare, njoftoi familja e tij. Në një deklaratë të publikuar online, ata thanë: “Me zemër të thyer njoftojmë se babai ynë i dashur Brian Wilson ka ndërruar jetë. Jemi pa fjalë tani.”

Wilson, i lindur në vitin 1942 në Hawthorne, Kaliforni, ishte një nga figurat më të rëndësishme të muzikës pop dhe rock. Ai formoi The Beach Boys me vëllezërit e tij, Carl dhe Dennis, kushëririn Mike Love dhe mikun Al Jardine, dhe së shpejti grupi u bë një nga grupet më të mëdha të muzikës rok, duke shitur më shumë se 100 milionë disqe globalisht.

Grupi është i njohur për këngët e tij hit, përfshirë “I Get Around”, “Help Me, Rhonda” dhe “Good Vibrations”, dhe është renditur në vendin e 12-të në listën e “100 Artistëve më të Mëdhenj të të Gjitha Kohërave” nga revista Rolling Stone.

Wilson ishte pionier në përdorimin e studios së regjistrimit, duke krijuar tinguj unikë dhe shpesh eksperimentuar me formate të ndryshme muzikore, veçanërisht në albumin e tij të njohur, Pet Sounds. Ky album është konsideruar një nga më të rëndësishmit në historinë e muzikës pop dhe rock.

Përveç suksesit të tij muzikor, Wilson ka kaluar një jetë të vështirë personale. Ai humbi gruan e tij Melinda në vitin 2024 dhe kishte dy vajza nga martesa e tij e parë, Carnie dhe Wendy. Ai gjithashtu kishte adoptuar fëmijë nga martesa e tij e dytë.

Wilson u diagnostikua me skizofreni paranojake në vitin 1984, një problem që lidhej me dëmtimin e trurit të tij nga përdorimi i drogave psikedelike. Më vonë, në vitin 2024, ai u zbulua të vuante nga demenca.

LEXONI GJITHASHTU:

• VIDEO/ Tension në Gaza, qindra palestinezë përpiqen të hyjnë në një qendër ndihme
• Zelensky: Rusia planifikon të pushtojë Odesën