Një i vdekur dhe mbi 20 të plagosur, raketa iraiane godet Izraelin qendror

Një person ka vdekur dhe më shumë se 20 të tjerë janë plagosur pasi një raketë iraniane goditi pranë shtëpive në Rishon Lezion, në jug të Tel Avivit, thanë shërbimet e emergjencës të Izraelit.

Një numër i madh ndihmësish mjekësorë u dërguan në vendngjarje, ku gjetën dëme të shumta dhe një numër njerëzish të bllokuar nën rrënoja.

“Ky është një vend i vështirë dhe kompleks dhe ne po vazhdojmë të skanojmë dhe të sigurohemi që nuk ka viktima të tjera brenda ndërtesave,” tha Rami Musher, zëvendësdrejtor i shërbimeve të emergjencës në rajonin Ayalon.

Një video nga agjencia e lajmeve Reuters tregoi çatinë e dëmtuar të një shtëpie dhe dhjetëra punonjës shpëtimi dhe personel ushtarak në vendngjarje.

LEXONI GJITHASHTU:

• Valë e re sulmesh me raketa nga Irani, disa shpërthime u dëgjuan mbi Jerusalem
• 5 të plagosur në Tel Aviv, Netanyahu: Regjimi iranian nuk e di çfarë do ta godasë