Tragjike në SHBA|Atentat ndaj 2 ligjvënësve në Minesota, bashkëshortët humbin jetën
Një ngjarje tragjike ka ndodhur në Brooklyn Park, Minesota, ku dy ligjvënës nga Partia Demokratike në shtetin e Minnesotës janë sulmuar me armë në shtëpitë e tyre në SHBA.
Përfaqësuesja e Senatit Shtetëror, Melissa Hortman, dhe bashkëshorti i saj, Mark, u qëlluan dhe u vranë rreth orës 3:35 të mëngjesit në shtëpinë e tyre, sipas konfirmimeve nga zyrtarët në një konferencë për shtyp këtë të shtunë.
Në të njëjtën kohë, një sulm tjetër ka ndodhur në shtëpinë e senatorit John Hoffman, ku ai dhe gruaja e tij u qëlluan nga i njëjti person që hiqej si një polic.
Policia arriti menjëherë në vendngjarje dhe shpëtoi senatorin Hoffman dhe gruan e tij, të cilët u dërguan në spital për trajtim pas një operacioni dhe tani janë jashtë rrezikut për jetën.
I dyshuari, i cili është ende në arrati, shkëmbeu të shtëna me policinë gjatë largimit nga vendi i ngjarjes.
Komisioneri i Sigurisë Publike për Minesotën, Bob Jacobson, i cili foli gjatë konferencës për shtyp, theksoi: “Kjo është një ditë e errët sot për Minesotën dhe për demokracinë. Ne nuk do të lejojmë që frika ose dhuna të përcaktojnë se kush jemi, ose si ecim përpara.”
Policia ka bërë thirrje që qytetarët të mos i afrohen të dyshuarit, të qëndrojnë në shtëpi duke mos hapur derën për askënd, përveçse nëse paraqiten dy oficerë policie bashkë.
LEXONI GJITHASHTU:
Dhoma e Përfaqësuesve miraton masën për t’i dhënë fund luftës në Iran
Partia Demokratike në pushtet fiton zgjedhjet lokale në Korenë e Jugut
Kina ndalon hyrjen e katër deputetëve të Zelandës së Re pas vizitës në Tajvan
- 08:50 Një mbeti i vrarë dhe tjetri u plagos, zbardhen emrat e efektivëve që u qëlluan me armë në Maliq
- 08:43 Dhoma e Përfaqësuesve miraton masën për t’i dhënë fund luftës në Iran
- 08:40 Partia Demokratike në pushtet fiton zgjedhjet lokale në Korenë e Jugut
- 08:35 Vrasja e policit në Korçë, kush është autori dhe si hapi zjarr ndaj efektivëve pasi i pikasi
- 08:30 Kina ndalon hyrjen e katër deputetëve të Zelandës së Re pas vizitës në Tajvan
- 08:27 Protesta e studentëve kundër masave shtrënguese në Kili, 25 të plagosur nga përleshjet