Irani njoftoi Katarin para sulmit ndaj bazës amerikane për të shmangur viktimat

23 Qershor 2025 | 19:46

Irani e ka koordinuar paraprakisht sulmin me raketa ndaj bazës ajrore amerikane Al-Udeid në Katar me zyrtarët katariotë, me qëllim minimizimin e viktimave, raporton The New York Times, duke cituar tre zyrtarë iranianë në kushte anonimiteti.

Sipas raportit, Teherani e konsideroi të nevojshëm një kundërsulm simbolik ndaj SHBA-së pas sulmeve mbi objektet bërthamore iraniane, por kërkoi të shmangte përshkallëzimin, duke lënë hapur një dritare për ndalimin e përplasjes ushtarake mes palëve.

Deri tani, nuk ka pasur asnjë koment zyrtar nga qeveritë në Teheran apo Uashington në lidhje me këtë raport.

Këshilli i Lartë i Sigurisë Kombëtare i Iranit thotë në një deklaratë se, ndërsa Irani “shkatërroi” bazën ajrore amerikane në Katar, sulmi në asnjë mënyrë “nuk paraqet ndonjë rrezik për Katarin ose popullin e tij” dhe shton se Irani “mbetet i përkushtuar për të ruajtur dhe vazhduar marrëdhëniet e tij të ngrohta dhe historike” me Katarin.

Deklarata e Këshillit Suprem të Sigurisë Kombëtare të Iranit, e cituar nga media shtetërore e Iranit, thotë se “numri i raketave të përdorura ishte i njëjtë me numrin e bombave që SHBA-të kishin përdorur në tre centrale bërthamore iraniane”.

LEXONI GJITHASHTU:

Home Kryefaqja
Shiko në: YouTube
Lajme të Sugjeruara

Tajani: Është SHBA-ja ajo që “duhet ta ndalojë Izraelin” për paqen në LM

Ministri i Jashtëm i Italisë Antonio Tajani tha të martën se Shtetet e Bashkuara janë vendi i pozicionuar më së miri për të ushtruar presion...
22:35 | 03/06/2026

SHBA tërheq trupat nga Lituania

Shtetet e Bashkuara kanë nisur tërheqjen e më shumë se 1 mijë ushtarëve amerikanë dhe pajisjeve ushtarake nga Lituania pas përfundimit të një periudhe dislokimi...
22:33 | 03/06/2026

Irani shënjestron anijen amerikane në Gjirin e Omanit! Araghchi: Nëse Izraeli sulmon Bejrutin, rifillon lufta

Irani thotë se marina e saj shënjestroi një anije detare amerikane që strehonte një “qendër komande dhe kontrolli” ndërsa ajo po i afrohej ujërave territoriale...
22:27 | 03/06/2026