Udhëheqësi suprem i Iranit ende nuk e ka pranuar armëpushimin

Zyrtarë dhe organe të larta iraniane, përfshirë presidentin, konfirmuan dje armëpushimin midis Iranit dhe Izraelit.

Megjithatë, ende nuk ka pasur ndonjë pranim publik nga individi që konsiderohet si figura më e fuqishme në vend: Udhëheqësi Suprem Ajatollah Ali Khamenei, shkruan BBC.

Udhëheqësi suprem zakonisht ka fjalën e fundit për çështjet shtetërore, dhe sytë brenda dhe jashtë Iranit mbeten të përqendruar se kur ai do të komentojë mbi armëpushimin.

Khamenei thuhet se është larguar nga vendbanimi i tij i zakonshëm në qendër të Teheranit dhe tani është strehuar në një bunker të sigurt, por kjo nuk është konfirmuar nga Irani.

Ai u shfaq për herë të fundit në televizionin shtetëror më 18 qershor në një mesazh të pararegjistruar, në të cilin hodhi poshtë thirrjen e Presidentit të SHBA-së Donald Trump për “dorëzimin pa kushte” të Teheranit.

Edhe pse llogaritë e tij zyrtare në X kishin qenë aktive para armëpushimit, ai nuk është parë në publik që nga sulmi i Izraelit ndaj Iranit më 13 qershor, kur një tjetër mesazh i para-regjistruar u transmetua pas sulmit.

Imazhet më të fundit që e tregojnë atë në një mjedis publik datojnë që nga 11 qershori, gjatë një takimi me anëtarë të parlamentit iranian.

LEXONI GJITHASHTU:

• Shefi i NATO-s lavdëron sulmet e SHBA-së ndaj Iranit
• Irani pezullon bashkëpunimin me IAEA, parlamenti merr vendimin e rëndësishëm