Skualifikohen 6 kandidatë, 7 emrat që vijojnë garën për kreun e BKH

Procesi për përzgjedhjen e drejtuesit të ri të Byrosë Kombëtare të Hetimit (BKH) ka hyrë në një fazë të re, pasi Komisioni i Përzgjedhjes ka skualifikuar 6 nga 13 kandidatët që kishin aplikuar fillimisht për këtë pozicion. Skualifikimi u bë pas shqyrtimit të dokumentacionit të dorëzuar, ku u konstatua mospërmbushje e kritereve ligjore dhe mangësi në aplikime.

Në mbledhjen e zhvilluar më 25 qershor 2025, Komisioni, në mbështetje të kuadrit kushtetues dhe ligjor për funksionimin e institucioneve kundër korrupsionit dhe krimit të organizuar, vendosi të lejojë kalimin në fazën tjetër të konkurimit vetëm për shtatë kandidatë që kishin plotësuar kushtet formale.

Kandidatët që vijojnë garën janë:

• Andi Pogaçe
• Artur Beu
• Elton Kërluku
• Gentian Ndoi
• Gentjan Shehaj
• Gledis Nano
• Joni Keta

Ndërkohë, gjashtë kandidatë janë përjashtuar nga gara, për shkak të dokumentacionit të paplotë ose mospërputhje me kërkesat ligjore.

Lista e plotë e kandidatëve që aplikuan:

• Andi Pogaçe
• Artur Beu
• Astrit Halilaj
• Elton Kërluku
• Gentian Ndoi
• Gentjan Shehaj
• Gledis Nano
• Haki Çako
• Joni Keta
• Maoricio Sheldija
• Marinela Pilinçi
• Miklovan Kanani
• Nevrus Ndregjoni

Kujtojmë se më herët SPAK kishte shtyrë afatin për dorëzimin e dokumenteve, për shkak të mungesave të konstatuara në aplikimet e 11 nga 13 kandidatëve. Vetëm dy kishin dorëzuar dokumentacion të rregullt që në fazën fillestare.

Kandidatët e kualifikuar do t’i nënshtrohen më tej testimeve dhe intervistave të strukturuara, për të vijuar drejt përzgjedhjes përfundimtare të drejtuesit të ri të Byrosë Kombëtare të Hetimit.

LEXONI GJITHASHTU:

• SPAK publikon listën e kandidatëve për kreun e BKH, kush janë emrat në garë
• Përfundon sot afati i aplikimeve për drejtuesin e ri të BKH, në garë dhe Gledis Nano