Putin me Macron: Konflikti ukrainas pasojë e politikave të vendeve perëndimore

Presidenti rus Vladimir Putin bisedoi sot në telefon me homologun e tij francez Emmanuel Macron rreth luftës në Ukrainë, si dhe situatës në Lindjen e Mesme në kontekstin e konfliktit Iran-Izrael dhe sulmeve amerikane ndaj objekteve iraniane, njoftoi Kremlini.

Siç u tha, Putin tha në bisedë se konflikti ukrainas është një pasojë e drejtpërdrejtë e politikave të vendeve perëndimore.

“Konflikti ukrainas është një pasojë e drejtpërdrejtë e politikës së vendeve perëndimore, të cilat për vite me radhë injoruan interesat e sigurisë së Rusisë, krijuan një fortesë anti-ruse në Ukrainë dhe toleruan shkeljen e të drejtave të rusishtfolësve”, tha Putin, tha Kremlini.

Putin vlerësoi se zgjidhja në Ukrainë duhet të jetë gjithëpërfshirëse, të eliminojë shkaqet rrënjësore dhe të bazohet në realitetin në terren.

“Vendet perëndimore po ndjekin një politikë të zgjatjes së operacioneve ushtarake, duke e ushqyer regjimin e Kievit me armë të ndryshme moderne”, theksoi udhëheqësi rus, raporton TASS.

Putin dhe Macron theksuan rëndësinë e respektimit të së drejtës së Iranit për energji bërthamore paqësore dhe përmbushjes së detyrimeve të tij sipas Traktatit të Mospërhapjes, duke përfshirë bashkëpunimin me Agjencinë Ndërkombëtare të Energjisë Atomike (IAEA).

Presidentët e Rusisë dhe Francës janë zotuar të zgjidhin krizën mbi Iranin dhe konflikte të tjera në rajon përmes diplomacisë.