Gjobiten katër lojtarë të Interit

Romelu Lukaku, Ashley Young, Ivan Perisic dhe Achraf Hakimi janë gjobitur për thyerje të rregullave të COVID-19 në Itali.

Ata ishin pjesë e një darke ku morën pjesë 23 persona në një hotel pas fitoren 3-1 me Romën të mërkurën.

Darka në fakt nuk ishte për fitoren por për të festuar ditëlindjen e sulmuesit belg me rastin e 28-vjetorit.

Në Milano, që bën pjesë në zonën e verdhë në Itali, ka një orë policore 22:00-05:00, kohë kur ndalohet lëvizja.

Lojtarët u gjobitën pasi dolën nga festa. Nëse ata do të kalonin natën në hotel, nuk do të kishin thyer asnjë rregull dhe nuk do të ishin gjobitur.

Inter u shpall kampion në Serie A në fillim të muajit maj për herë të parë pas 11 vitesh, duke i dhënë fund dominimit të Juventus.