Pentagoni “tkurr” dëmet: Programi bërthamor iranian, 2 vjet pas nga sulmet

3 Korrik 2025 | 16:24

Sulmet amerikane ndaj impianteve bërthamore iraniane 10 ditë më parë e kanë kthyer programin bërthamor dy vjet pas, ka njoftuar të enjten zëdhënësi i Pentagonit, Sean Parnell.

“Ne kemi bërë që programi i tyre të degradojë me një deri në 2 vjet, të paktën kështu thonë informacionet e mbledhura”, tha Parnell për gazetarët.

Më 22 qershor, Shtetet e Bashkuara kryen disa sulme të përbashkëta me Izraelin ndaj tre centraleve bërthamore të Republikës Islamike: atë të Fordos, Natanzit dhe Isfahanit, duke përdorur mbi 30 raketa anti-bunker dhe të tipit “Tomahawk”.

Deklaratat e Parnell ofrojnë megjithatë një përllogaritje më të moderuar se deklaratat e mëparshme të Uashingtonit, por ndërkohë bien ndesh me informacionet e publikuara nga Agjencia e OKB për Energjinë Bërthamore.

Menjëherë pas sulmeve, presidenti Donald Trump tha se impiantet ishin “shkatërruar tërësisht” dhe e kishin kthyer programin e pasurimit të uraniumit “dekada pas”.

Ndërkohë, në fundjavë, kreu i agjencisë së posaçme të OKB-së, Rafael Grossi tha se Teherani mund ta rifillojë procesin brenda pak muajsh.

Ekspertë të tjerë paralajmëruan gjithashtu se Irani i kishte lëvizur stoqet me uraniumin e pasuruar përpara sulmeve amerikane.

Por sekretari i Mbrojtjes, Pete Hegseth dhe zyrtarë të tjerë në Uashington thanë se të dhënat e mbledhura nuk sugjeronin një lëvizje të tillë.

 

LEXONI GJITHASHTU:

Home Kryefaqja
Shiko në: YouTube
Lajme të Sugjeruara

Tajani: Është SHBA-ja ajo që “duhet ta ndalojë Izraelin” për paqen në LM

Ministri i Jashtëm i Italisë Antonio Tajani tha të martën se Shtetet e Bashkuara janë vendi i pozicionuar më së miri për të ushtruar presion...
22:35 | 03/06/2026

SHBA tërheq trupat nga Lituania

Shtetet e Bashkuara kanë nisur tërheqjen e më shumë se 1 mijë ushtarëve amerikanë dhe pajisjeve ushtarake nga Lituania pas përfundimit të një periudhe dislokimi...
22:33 | 03/06/2026

Irani shënjestron anijen amerikane në Gjirin e Omanit! Araghchi: Nëse Izraeli sulmon Bejrutin, rifillon lufta

Irani thotë se marina e saj shënjestroi një anije detare amerikane që strehonte një “qendër komande dhe kontrolli” ndërsa ajo po i afrohej ujërave territoriale...
22:27 | 03/06/2026