Policia liron trotuaret dhe rrugët e zëna nga subjekte private në plazhin e Golemit

Përveç lirimit të zonave në plazh të zëna me shezllonge dhe çadra pa lejen përkatëse, Policia e Durrësit, në kuadër të operacionit “Plazhi i Lirë”, ka liruar edhe hapësira publike, si trotuare dhe rrugë të zëna nga tregtarë ose subjekte private në plazhin e Golemit.

Shërbimet e Komisariatit të Policisë Kavajë, në bashkëpunim me Policinë Bashkiake, kanë konstatuar disa hapësira në rrugë që ishin përshtatur për përfitim pa leje nga organet kompetente.

Qytetarët dhe subjektet që i kishin zënë këto hapësira i kanë liruar ato me mirëkuptim.

Drejtoria Vendore e Policisë Durrës njofton se do të vijojë kontrollet për të ndaluar çdo shkelje që cenon hapësirat publike dhe sigurinë e pushuesve.

LEXONI GJITHASHTU:

• “Plazhi i lirë” në Vlorë, policia sekuestron 24 çadra dhe shezlongë në Radhimë
• “Plazhi i Lirë”/ Lirohen dy hapësira në Currila, sekuestrohen 27 çadra e shezlongë