Basha dhe Nishani debat në Këshillin Kombëtar të PD-së

Në mbledhjen e Këshillit Kombëtar, kryetari i Partisë Demokratike Lulzim Basha ka kërkuar që zërat brenda partisë të bashkohen kundër “regjimit” siç e cilësoi ai mazhorancën qeverisëse.

Pasi foli për masakrën elektorale të 25 prillit, z. Basha tha se PD-në e pret përpara një sfidë e madhe

“Ajo që na pret përpara është një sfidë e madhe, por të mos harrojmë atë që kemi ndërtuar dhe arritur së bashku, të mos harrojmë kë dhe çfarë kishim përballë, të mos harrojmë mbështetjen e jashtëzakonshme që morëm nga demokratët dhe gjithë shqiptarët”, deklaroi kreu i PD.

Ndërsa kryetari i Këshillit Kombëtar, Bujar Nishani deklaroi se “masakra elektorale është e vërtetë, por gjysma e vërtetë e hidhur është dështim për të fituar betejën”.

Ai mbajti qëndrimin se nuk mund të analizohet në Këshillin Kombëtar humbja e zgjedhjeve duke shtuar se kjo mund të bëhet dhe gjykohet nga baza e partisë.

“Ata (baza e partisë), vetëm ata e njohin të vërtetën nga secili prej nesh në sallë. Sot jemi thirrur të analizojmë gjysmën e parë të vërtetës”, deklaroi z. Nishani.