Ish-eurodeputeti grek ekstradohet në Athinë, pjesëtari i “Agimit të Artë” nën akuzë për “drejtim të një organizate kriminale”

Deputeti grek Ioannis Lagos u dërgua në Gjykatën e Apelit në Athinë të shtunën pas ekstradimit të tij nga Belgjika.

48-vjeçari, ish-anëtar i partisë së ndaluar të Agimit të Artë tashmë është dënuar në Greqi për disa akuza dhe është dënuar me 13 vjet burg.

Së bashku me disa anëtarë të tjerë kryesorë të Agimit të Artë, ai u dënua me akuza të shumta duke përfshirë drejtimin e një organizate kriminale.

Lago u arrestua në Bruksel muajin e kaluar menjëherë pasi Parlamenti Evropian i hoqi imunitetin. Ai është mbajtur në një burg në kryeqytetin belg për gati dy javë.

Fillimisht, Lagos kishte kundërshtuar ekstradimin e tij, por më vonë ra dakord që të dërgohej në Athinë për të vuajtur dënimin.

Prokurori vendosi që Lagos të dërgohej direkt në burgun Domokos në Greqinë qendrore.

Avokatët e tij, Kostas Plevris dhe Giannis Zografos, kërkuan më herët që ai të dërgohej në burgun Korydallos pranë Athinës, në mënyrë që ai të mund të kryente më lehtë detyrat e tij si një deputet.

“Demokracia greke luftoi dhe eliminoi helmin e partisë Agimi i Artë,” tha zëdhënësja e qeverisë Greke Aristotelia Peloni.

“Sundimi i ligjit qëndroi i vendosur kundër kriminelëve. Dhe drejtësia dha përgjigjen e saj”, tha ajo.

“Një luftë e vazhdueshme është e nevojshme në mënyrë që demokracia të mos përballet përsëri me fenomene të tilla”, shtoi më tej zëdhënësja e qeverisë greke.