Zbardhet vrasja e 32-vjeçarit në Shkodër, shpallet në kërkim Ibrahim Liçi, arrestohen 2 bashkëpunëtorët

Zbardhet vrasja e Endri Mustafes në Shkodër, e cila u zbulua rreth 24 orë më parë.

Burime të sigurta pranë Policisë së Shtetit dhe prokurorisë Shkodër bënë me dije për Euronews Albania se është shpallur në kërkim 28-vjeçari Ibrahim Liçi, i cili dyshohet se është autori i vrasjes së Endri Mustafës.

Gjithashtu, në lidhje me këtë ngjarje është arrestuar shtetasi i mitur E. M., 15 vjeç i cili dyshohet se në bashkëpunim me Liçin kanë vrarë me armë zjarri të riun.

Po gjatë veprimeve hetimore dhe si rezultat i kontrolleve të ushtruara për kapjen e autorit u arrestua në flagrancë edhe 26-vjeçari Edison Arazi, banues në lagjen “Salo Halili”, Shkodër, i cili dyshohet se ka dijeni për ngjarjen.

Sakaq, gjatë kontrollit në banesën e tij është gjetur një sasi lënde narkotike cannabis sativa.

Mbi Ibrahim Liçin rëndon vepra penale “Vrasja me paramendim” kryer në bashkëpunim dhe “Armëmbajtja pa leje”.

Ndërsa për shtestin me iniciale E. M rëndon vepra penale “Vrasja me paramendim” kryer në bashkëpunim, si dhe në ngarkim të Edison Arazi, si person në djeni për ngjarjen, rëndon edhe vepra penale “Prodhimi dhe shitja e narkotikëve”.

Lexoni gjithashtu:

Ekzekutohet me 11 plumba 32-vjeçari në Shkodër