Finalja e Kupës së Shqipërisë luhet më 30 maj në “Air Albania”

Finalja e Kupës së Shqipërisë, Skënderbeu – Vllaznia do të zhvillohet më 30 maj në stadiumin “Air Albania”, në orën 19:00.

Kjo është hera e dytë në historinë e Kupës së Shqipërisë që këto dy ekipe përballen me njëra-tjetrën.

Hera e parë kur këto ekipe janë përballur ka qenë në vitin 1965, ndeshje e fituar nga Vllaznia, me rezultatin 1-0.

Korçarët kaluan në finale pas fitores ndaj Teutës në Durrës, ku arritën të fitonin me rezultatin 2-0, me gola të Meksit dhe Elvi Berishës.

Shkodranët fituan në “Loro Boriçi” ndaj Laçit, një ndeshje që dhuroi shumë emocione, por vetëm një gol, të shënuar nga Ardit Hoxhaj.