Pandemia detyron skuadrën e River Plate të luajë me një mesfushor si portier

Skuadra argjentinase e River Plate do të duhet ta zhvillojë me një mesfushor në rolin e portierit ndeshjen kundër kolumbianëve të Santa Fes në “Copa Libertadores”.

Njëzetë lojtarë të skuadrës së parë janë prekur nga COVID-19 javën e shkuar dhe janë vënë në izolim. Prej organikës fillestare tashmë River Plate ka në dispozicion vetëm 12 lojtarë, prej të cilëve asnjë portier.

Kërkesa për të federuar një tjetër lojtar drejtuar bashkimit të federatave të futbollit të Amerikës së Jugut (CONMEBOL) u refuzua. CONMEBOL tha se klubit i qe njoftuar që në fillim të sezonit se për shkak të COVID-19 mund të regjistronte 50 lojtarë nga 32 që regjistroi.

Në këtë mënyrë River Plate do të luajë me mesfushorin Enzo perez, i lartë 179 centimetra, në portë si portier.