Donald Trump nën hetim penal, Prokuroria e Nju Jorkut heton organizatën e ish-presidentit

Autoritetet hetimore në Nju Jork e kanë kthyer nga civil, në penal hetimin mbi organizatën e ish-presidentit Donald Trump. Grupi në fjalë akuzohet për akte kriminale, që kanë të bëjnë me fshehjen e të ardhurave dhe shmangien e taksave.

Lajmin e bëri të ditur prokurori i përgjithshëm i Nju Jorkut, i cili nënvizoi se kishte informuar tashmë kompaninë për këtë ndryshim.

Prokurori i zonës së Manhatanit, Cyrus Vance i ka hetuar bizneset e Organizatës Trump për më shumë se dy vjet përpara se Trump të bëhej president.

Nga ana e saj, kompania nuk është shprehur e gatshme për një koment.

Zyra e prokurorit saktësoi se grupi i familjes Trump po hetohet për kryerjen e akteve kriminale në një periudhë afatgjatë, si për falsifikim të të ardhurave me qëllim fshehjen e taksave.

Procesi hetimor nisi pasi ish-avokati i Trump, Michael Cohen pagoi në fshehtësi dy gra, për të siguruar heshtjen e tyre para zgjedhjeve të 2016-s, pasi pretendonin për një lidhje sekrete me Trump.