Takimi Blinken-Lavrov, shefat e diplomacive takohen në një atmosferë të qetë

Sekretari amerikan i Shtetit, Antony Blinken dhe ministri i Jashtëm rus Sergei Lavrov kanë zhvilluar takimin e parë kokë më kokë, në një kohë kur marrëdhëniet dypalëshe janë përkeqësuar në muajt e fundit.

Dyshja foli hapur dhe me qetësi mbi dallimet mes tyre gjatë takimit të organizuar në kuadër Këshillit të Arktikut në Reikjavik.

 “Është në këndvështrimin tonë se, nëse liderët e dy vendeve mund të bashkëpunojnë, popujt tanë dhe bota mund të jenë një vend më i sigurt dhe këtë po kërkojmë,” – u shpreh Blinken.

Lidhjet mes Uashingtonit dhe Moskës kanë qenë në nivelet e para Luftës së Ftohtë, të cenuara nga akuzat për ndërhyrje në zgjedhje dhe Ukraina, por atmosfera e takimit ishte e qetë.

 “Ne jemi gati të diskutojmë të gjitha çështjet pa përjashtim nëse bisedimet janë të sinqerta, me fakte në tryezë dhe të bazuara në respektin reciprok,” – tha Lavrov.

Takimi u mbajt teksa palët po punojnë për samitin presidencial. Ideja u hodh nga Shtëpia e Bardhë muajin e kaluar, por palët nuk kanë rënë dakord publikisht. Mediat ruse kanë sugjeruar se Zvicra mund të jetë vendi i takimit.

LEXONI GJITHASHTU: 

• Blinken bisedon me ministrat e Jashtëm të Katarit, Egjiptit dhe Arabisë Saudite mbi zhvillimet në Gaza
• Samiti i G7 | Blinken mbërrin në Londër, pikat kryesore të bisedimeve
• Sfidat e takimit të G7, Blinken: Jemi përqendruar në veprimet e Rusisë, nuk do të kërkojmë përshkallëzim